عملت أداة لإدارة الديون وبتم تخزين البيانات محلياً . بتقدروا تجربوا الأداة من هذا الرابط 👇 iofahmawi.github.io/deyon

ستارلينك نزلت سعر الإشتراك في الأردن على أمل تنافس الشركات الموجودة طبعاً هي أجت عالمكان الغلط لأن أغلب الناس بتدور على شركات رسوم التأسيس فيها مجاناً يعني يدفع أول إشتراك فقط بدون أي رسوم ثانية طبعاً ستارلينك ماعملت هالشي ورسوم التأسيس 150 دينار لجهاز الإستقبال المتنقل و 280 دينار لجهاز الإستقبال الخارجي الثابت ورسوم التأسيس المجانية عندهم فقط على إشتراك بـ 40 دينار الي بنفس هذا السعر بشترك الشخص بسرعة 2000 ميجابت .

صوماً مقبولاً وإفطاراً شهياً والله يتقبل من الجميع إن شاء الله 🌙✨

12 ساعة و 45 دقيقة هذا مانصومه كل يوم في الأردن 🌙✨

‏إمساكية أول يوم برمضان لمحافظة العاصمة عمّان ومحافظة العقبة 🌙 بإمكانك تشوفوا بقية المحافظات الحبيبة من خلال الرابط والضغط على اسم المحافظة 👇 iofahmawi.github.io/salat‎

الوضع بكرا 😄

للتذكير عقوبة الإفطار علناً في الأردن شهر حبس و 15 دينار غرامة 🙂

إعتماد الهوية الرقمية الموجودة في تطبيق سند كوسيلة إثبات رسمية في كل بنوك الأردن .. عقبال باقي المؤسسات الحكومية والخاصة .

تحديث لموقع مواقيت الصلاة الخاص بالأردن بمناسبة شهر رمضان المبارك 🌙 بإمكان أي شخص بالأردن معرفة المواقيت الدقيقة من خلال الرابط التالي 👇 iofahmawi.github.io/salat

متخيلين الأسعار لوين وصلت هذا SSD Sata يعني جيل قديم جداً هذا حده كان يوصل 60 دولار .. وبحب أطمنكم حتى HDD أبو قرص دوار هههههه إرتفع سعره وراح يختفي من السوق لان كل الكمية محجوزة !!

‏يا الله شو بجلطوني هذول الي بقعدوا يتحزروا بالمطعم يعني انت مش عارف شو بتحط بسندويشتك كل شوي بتذكر شغلة مرة حطلي مخلل بس خيار مش لفت ومرة بده سندويشة الفلافل بفول مش حمص وبده شطة بس شوي ما يكثرله وبدوه يفردله الفلافل كويس على طول السندويشة 😂

إذا حبيبك ثور إلبسله أحمر 😄 هابي فلانتاين ♥️

عشان تعرفوا ماعاد حد يكتب الكود بنفسه ويضيع وقت طويل والذكاء الإصطناعي موجود 🙂

كل أداة بعملها بكون الها قصة وهاي الأداة عملتها عشان ماحدا يضحك علي بسعر زيت الزيتون التونسي الي عبا السوق ههههههه لأن هاي السنة الأسعار عنا بالأردن مولعة .. التنكة 16 كيلو سعرها بين 140-160 دينار فاعملت هاي الأداة عشان أعرف هل السعر منطقي ولا قريب للبلدي ومش مجدي أشتريه 😄 رابط الأداة 👇 iofahmawi.github.io/olive-oil

سألت سؤال تقريباً لكل التطبيقات كلهم فشلوا بالإجابة الصحيحة ماعدا جيمني الي قدر يجاوب صح والباقيين قعدوا يعكوا 😄 والسؤال : أريد أن أغسل سيارتي والمغسلة تبعد 50 متر. أمشي ولا أسوق؟

تحري هلال شهر رمضان المبارك يوم الثلاثاء القادم 29 شعبان يعني أول يوم برمضان ممكن الأربعاء أو الخميس إن شاء الله 🌙

الشكل النهائي لحاسبة الكهرباء الشهرية .. لا مفاجآت بعد اليوم 🙂

واقعنا المرير في الأردن 🙂

أداة جديدة قمتُ بتصميمها تحمل اسم حاسبة سرعة الإنترنت تساعد هذه الأداة المستخدم على اختيار سرعة الإنترنت المناسبة التي تغطي احتياجاته دون اللجوء إلى سرعات أعلى لا تناسبه، فيدفع مبالغ هو في غنى عنها. تعتمد الأداة على معايير شركات بثّ المحتوى، ومواقع التواصل الاجتماعي، وغيرها من التطبيقات الشائعة التي يستخدمها أغلب الأشخاص. كل ما عليك فعله هو تحديد عدد الأجهزة في المنزل مثل الهواتف، والتلفزيونات، والكمبيوترات، وأجهزة البلاي ستيشن والإكس بوكس، وحتى منصات اللعب السحابية، ثم ستظهر لك السرعة المطلوبة والاشتراك الموصى به. رابط الأداة 👇

حاسبة السرعة

أغلب عمليات التحويل الإلكتروني الخاطئة في الأردن سببها مابعرفوا عن خيار اسمه "طلب دفع" والشخص المطلوب يدفع يوافق على الطلب .. والسبب الآخر انه الناس بتعمل عدة حسابات على نفس الرقم بدون مايحددوا بإستمرار الحساب الرئيسي .. والسبب الآخر من شركات الإتصالات بكون الك محفظة وبعدها رقمك بنفصل وبلتغى المحفظة بتظل مربوطة بالرقم حتى لو مالك الخط تغير !!!